Басты Жаңалықтар Лудомандар МӘМС бойынша тегін оңалтудан өтеді

Лудомандар МӘМС бойынша тегін оңалтудан өтеді

18.07.2024 20:00

Ал құмар ойынға тәуелді азаматтар МӘМС бойынша тегін оңалтудан өтеді. Туризм және спорт министрінің орынбасары Мирас Төлебаев осылай деді. Бүгінде ресми есепте тұрған небәрі 19 лудоман бар. Вице-министрдің сөзінше, көбі мемлекеттік клиникаларда ем алудан қашады. Себебі есепке алынған азаматтар ЖОО-ға түсе алмайды, әскерде қызмет ете алмайды және жұмысқа орналасуы қиындайды. Вице-министр енді мемлекеттік клиникаларда мұндай азаматтардың аты-жөні құпия сақталады деді.

Жалпы Үкімет алдағы екі жылда құмар ойынына әуес адамдардың санын 350 мыңнан 201 мыңға дейін қысқартуды көздеп отыр. Ол үшін жыл сайын кем дегенде 7 мың онлайн казино мен букмекерлік сайттарды бұғаттап отырмақ. Ал лотерея ойындарын жарнамалағандар кемі 200 мың айыппұл төлейді.

Мирас Төлебаев, ҚР Туризм және спорт министрінің орынбасары:

Егер букмекерлік кеңселер мен онлайн казинолар заңға бағынбай борышкерлерді, 21 жасқа толмаған адамдарды немесе өзін құмар ойындардан шектегендерді қабылдайтын болса, 3,7 миллион теңгеге дейінгі айыппұл төлейді. Сонымен бірге қазір еліміз бойынша Instagram және TikTok желісінде заңсыз лотереялармен күрес жүріп жатыр.

Айя Мүтәлі

Автор

Айя Мүтәлі

Бөлісу