Теміртаулықтар стадион аумағын тазалады

«Таза Қазақстан» экологиялық акциясы аясында теміртаулықтар металлургтер стадионы аумағын тазалады. Алдағы жексенбі металлургтер күні. Бүгінгі тазалық шарасы осы мамандық иелеріне деген құрмет және қала тазалығына қосқан үлес, -дейді ұйымдастырушылар. Жиналғандар саны 100 адам. Белсенділер арасында спортшылар, жайдарманшылар, этно-мәдени бірлестік өкілдері де бар. Экоакция алдағы уақытта да жалғасады.

Айбар Нұрбаев, «Жасыл ел» жасағының сарбазы:

Стадион аумағында шөп шауып, қоқыс жинап жатырмыз. Әр сенбіліктен жұмыстың нәтижесі көрініп тұрады. Қаламыз таза болады. Еңбегіміз көрініп тұрады. 

Жандос Бақытұлы