Ақмола облысында «Таза бейсенбі» экологиялық акциясы аясында Зеренді көлінің жағалауынан бір тоннаға жуық қоқыс шығарды. Оған «Amanat» партиясының 50-ге жуық қызметкері мен еріктілер қатысты. «Жасыл ел» еңбек жасағы да шет қалмады. Бұл жұмыс алдағы уақытта да жалғасады. Тазалық акциясы аясында енді, тау бөктерлері күл-қоқыстан тазартылып, көшелер абаттандырылмақ.
Жұлдызай Ерғалиева, Ерікті:
Осы акция туралы бірінші рет естігенде үйде отыра алмадық. Мен өз достарыммен, туысқандарыммен және жақын адамдарыммен осы акцияға қатысуды жөн көрдім. Біздің мақсатымыз-осы тұрып жатқан аумақты тазарту және жақсарту болып табылады.
Жайық өзенінің жағалауы қоқыстан тазартылды
Ал Атырауда Жайық өзені жағалауындағы тасқын кезінде салынған қапшықтар жиналып, аумақ қоқыстан тазартылды. Бұған 200-ге жуық ерікті, мекеме қызметкерлері мен белсенді жастар атсалысты. «Amanat» партиясының бастамасымен қолға алынған «Таза Қазақстан» акциясы, апта сайын өткізіліп келеді.
Абылай Құрметұлы - «Жастар рухы» жастар қанаты АОФ төрағасы:
Бір ай бұрын су тасқыны салдарынан қалып қойған бөгеттерді, қоқыс қалдықтарын тазарту үстіндеміз. Бұл біздің, партияның, жас еріктілердің осы қаламызға қосқан тамшыдай болса да үлесіміз деп есептейміз.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Атырау облысында Жайық өзенінің жағалауы қоқыстан тазартылды&mh_tags=Qazaqstan&mh_page=https://qazaqstan.tv/news/196174/)