Жаңалықтарды Telegram арнамыздан оқыңыз!Түркістан облысында «Таза Қазақстан» экоакциясы аясында, 1,5 мыңға жуық шара өтіп, оған 67 мыңнан астам адам атсалысты. Өңірде 150 мың түп ағаш отырғызылып, жасыл желек аумағы кеңейе түскен. Сондай-ақ, аяқжолдар тазаланып, 346 саябақ және алаңдар ретке келтірілді.Барлық аудан-қалалардағы көлдер мен өзендердің бойларында сенбіліктер өтті.
Мәселен, Қазығұрт ауданының тұрғындары «Мәңгілік ел» саябағында 10 гектар аумақты қоқыстан тазартты. Мемлекеттік қызметшілер мен белсенді жастар, еріктілер мен ауыл тұрғындары шөптерді орып, ағаштарды бұтап, әктеп шықты.
Райымбек Айтубай - Қазығұрт ауданының тұрғыны
Болашақ ұрпағымызға таза ел, таза ауа сияқты мәдениетті қалыптастыруға өте үлкен рөл атқаруда. Болашақ ұрпақ осында таза елімізде, таза мемлекетімізде өсіп, елімізді дамытуға атсалысады. Жаңа Қазақстанның бастамасы бұл деп ойлаймын.
