6 өңірде гидрологиялық дауылды ескерту жарияланды

Су тасқыны болып жатқан аймақтардан 72 мыңнан астам адам эвакуацияланды. Төтенше жағдайлар министрлігінің дерегінше , қазір эвакуациялық пункттерді 14 мыңдай тұрғын паналап отыр. Ел бойынша 3700-ден аса үй су асытанда қалған.

«Қазгидромет» орталығы мамандары, төтенше жағдай жарияланған 6 аймаққа гидрологиялық дауылды ескерту жарияланғанын мәлімдеді. Гидротехникалық нысандарда мұздың еруі, су деңгейінің өзгеруі байқалады, деді. Абай және Шығыс Қазақстан облыстарында сәуірдің 8 мен 10-ы аралығында қатты жауын-шашын болады. Ауа температурасы көтеріліп, қар тез еріп су деңгейі күрт көтерілуі мүмкін. Атырау облысында да Ембі өзені бассейніндегі су деңгейі көтерілуі ықтимал.