Б.Шүкеновтың орындауындағы «Жүрегімде Астана» әніне түсірілген бейнебаянның таныстырылымы өтті (ФОТО)

Бүгін Астана қаласы «Қазмедиа» орталығында Астана күніне орай Батырхан Шүкеновтың орындауындағы «Жүрегімде Астана» атты әніне түсірілген бейнебаянның тұсаукесері өтті. Шараға ҚР Халық әртісі Роза Рымбаева, «МузАрт» тобы, Әли Оқапов, Ләйлә Сұлтанқызы, Дана Нұржігіт сияқты танымал телевизия және эстрада жұлдыздары мен ақын Шөмішбай Сариев қатысты.

Бейнебаян көрерменнің зор ықыласына ие болды.

Туынды Астананың түрлі аймақтарында түсірілген және онда елорданың ең көрікті деген жерлері мен ең зәулім ғимараттары көрініс тапқан. Әннің сөзін жазған ақын Шөмішбай Сариев, ал, әні композитор Ренат Гайсиндікі.