Жаңалықтарды Telegram арнамыздан оқыңыз!Педофилдер мен лаңкестерге Қазақстанға кіруге тыйым салынады. Мәжіліс көші-қон туралы заңнамаға енгізілген өзгерістерді қабылдады. Құжатты Сенат қарауына жіберді. Оған сәйкес, қылмыскерлердің шекарадан өтпеуі үшін мемлекеттік бақылау күшейтіледі. Оларға Қазақстан азаматтығын алуға да тыйым салынады. Бұдан бөлек, шетелдіктерге ел аумағында жұмыс істеуге рұқсат беру шарттары өзгермек. Жұмыс істеу мерзімі 12 айға дейін ұзартылады.
Жарқынбек Амантайұлы, ҚР Парламенті Мәжілісінің Депутаты:
Мынау жасөспірімдердің, мынау кәмелеттік жасқа толмаған балаларға қатысты жыныстық сипаттағы қылмысқа, былайша айтқанда педофилдерге біздің елге кіруге болмайды. Бұны Ұлттық қауіпсіздік қызметі, комитеті, ішкі істер министрлігі, одан бөлек, барлық осы бағытта жұмыс жүргізетін болады.
Айя Мүтәлі
