Ертең елордада «Ғасырлар пернесі» атты Ахмет Жұбановты еске алу кеші өтеді

Бұл туралы «Таңшолпан» бағдарламасының қонағы – ҚР Еңбек сіңірген қайраткері, профессор Айтқали Жайымов хабарлады.

Шығармашылық кеште Ахмет Жұбановтың халық аспаптар оркестрі және фортепиано сияқты аспаптар үшін жазылған туындылары орындалады.

Сонымен қатар, студия қонағы – ҚР Еңбек сіңірген әртісі Шахимардан Әбілов Мұхтар Әуезов либреттосына Ахмет Жұбанов пен Латиф Хамиди арнап жазған «Абай» операсынан Абайдың ариозосын орындады.