Костенко шахтасындағы апатқа кінәлі күдіктілердің есімі аталды

Төтенше жағдайлар министрі Костенко шахтасындағы апатқа кінәлі делінген күдіктілердің аты-жөнін атады. Сырым Шәріпхановтың сөзінше, қазір 28 адам тергеліп жатыр. Олар/ қатардағы қарапайым жұмысшылар емес. Жауапты лауазымды тұлғалар.

Естеріңізге сала кетейік, осыдан 2,5 ай бұрын Қарағандыдағы АрселорМитталТеміртаудың Костенко көмір шахтасында жарылыс болып, 46 жұмысшы көз жұмған болатын.

Сырым Шәріпханов, ҚР Төтенше жағдайлар министрі:

АрселорМиттал Теміртаудың бас директоры Яблонский, персонал жөніндегі директор Винокурова, көмір департаментінің атқарушы директоры Огай. Жалпы 28 адам күдікке ілінді. Тергеу жүріп жатыр. Олардың кінәсін нақты сот анықтайды.