Президент: Біз тиянақты және жоспарлы әрекет жасаймыз

Мемлекет басшысы «Egemen Qazaqstan» газетіне берген сұхбатында, 2023 жылы жасалған ауқымды жобалар мен атқарылған міндеттер биыл да жүйелі түрде жүзеге асатынын жеткізді. «Біз тиянақты және жоспарлы әрекет жасаймыз, мақсатқа жету үшін үздіксіз алға ұмтыламыз»,-деді. 2024 жыл Қазақстан үшін айрықша маңызды жыл болмақ. Себебі, осы кезең еліміздің алдағы бес жылдағы дамуына негіз болатынын айтты.

Қасым-Жомарт Тоқаев, Қазақстан Республикасының Президенті:

«Әлеуметтік тұрғыдан осал топтағы азаматтарға кешенді түрде қол¬дау көрсету үшін Әлеуметтік кодекс қабылданды. Зиянды еңбек жағ¬дайында жұмыс істейтін азамат¬тар үшін арнайы төлемақы енгі¬зіл¬ді. Табиғатты қорғауға жауапты ме¬ке¬мелердің қызметкерлеріне олар-дың өмірі мен денсаулығына төне¬тін қауіп-қатерге қатысты үстеме¬ақы төленетін болды. Медицина қызмет¬керлерінің, мектепте, колледж¬де және балабақшада жұмыс істейтін педагогтердің жалақысы өсті. Ұлттық қордан балаларға қаржы беру мәселесін реттейтін заң күшіне енді. Негізгі экономикалық көрсеткіштерді, оның ішінде инфляция деңгейін ескере отырып ең төменгі жалақыны анықтайтын әдістеме қабылданды. Осы жұмыстың бәрі 2024 жылы да жалғасады».

 Тәуірбек Бозекен