Қазақстандықтардың депозиті рекордтық деңгейге жетті

Қазақстандықтардың депозит көлемі рекордтық деңгейге жетті. Ұлттық банк тұрғындар мен компаниялардың салымдары туралы ақпаратты жариялады. Жалпы депозит көлемі 51,5 триллион теңге. Бір жылда салым 18,4 пайызға өсті. Халық теңгемен жинауды жөн көреді. Қазір азаматтарымыздың депозитте 28,6 триллион теңгесі бар. Ал бизнес өкілдерінің 23 триллион теңгеге жуық қаржысы банктердегі шоттарында жатыр. Бизнес шетелдік серіктестермен есеп айырысу және импорт үшін шетел валютасындағы салымдарын көбейткен.