Эбола вирусы Конгоның сегіз провинциясында өршіп барады

Конго Демократиялық Республикасында өршіп бара жатқан Эбола вирусы Орталық Африка Республикасымен шекаралас провинцияға да жетті. Мұны осы елдің денсаулық сақтау министрлігінің екі өкілі «Рейтер» агенттігіне берген сұқбатында мәлімдеді. Осылайша, Солтүстік Убанги – қауіпті індет тараған сегізінші аймақ атанып отыр.

Бұл мемлекетте Эбола эпидемиясы мамырдың ортасында басталды. Содан бері жұқпалы ауруға 9 мыңнан астам адам шалдығып, 4 мыңдай тұрғынның қайтыс болғаны расталып отыр.

Тағы бір айта кететін жайт, Уганда Эболадан арылғанын тамызда жариялады. Ал Кенияда осы айдың басында бұл вирустан бір адам қайтыс болып, екіншісі карантинге жабылған.