Ұлыбританияда «Хэнк» дауылы көтерілді

Англия мен Уэльстің біраз бөлігін «Хэнк» дауылы әбігерге салды. Нөсер жауын мен қатты жел салдарынан жарық сөніп, көлік қатынасы үзілді.

Желдің жылдамдығы сағатына 130 шақырымға дейін жеткен. Дауыл салдарынан жүздеген мың абонент электр қуатынсыз қалды. Автокөлік және теміржолдарды су басып, жолаушылар діттеген жерлеріне жете алмай қалған. Метереологиялық басқарма қауіптің сары деңгейін жариялап, халыққа аса қажет болмаса, үйден шықпауға кеңес берді. «Хэнк» дауылы соңғы үш айда болған сегізінші таибиғи апат. Мамандар сөзінше ол енді Еуропаның солтүстігіне қарай жылжиды.

Марина Бекенова