Жаңалықтарды Telegram арнамыздан оқыңыз!
Адай жылқысы ұлттық бренд ретінде тіркелді. Бұл туралы Әділет министрлігі хабарлады. Мемлекет басшысы асыл тұқымды жылқыны Маңғыстаудың байлығына теңеп, оны әлемге танытуды Үкіметке тапсырған болатын. Ол үшін Мемлекеттік комиссия құрылды. Жылқының генетикалық құрылымын зерттеу жұмыстары жүрді. Нәтижесінде Адай тұқымдас тұлпардың бірнеше түрі жаңа ұлттық бренд ретінде тіркеліп отыр. Бұл жылқының санын көбейтуге, туризмді дамытуға септігін тигізеді, - дейді министрлік өкілдері.
Айдын Артықова, «Ұлттық зияткерлік меншік институты» директорының орынбасары:
23-ші жылдың ең жақсы жаңалықтарының бірі, соңғы күндерінің. Бұл асыл тұқымды адай жылқысын патенттеу. Т арихы, генетикалық құрамы басқа да өзінің ерекшеліктері бар. Патент алынды деген сөз – айрықша құқыққа ие болады құқық иеленушілер. Яғни, олардың рұқсатынсыз үшінші тұлғалар бұл тұқымды пайдалануға заңды түрде тыйым салынады деген сөз.
