Қазақстанда тағы бір бала қызылша ауруынан көз жұмды

Қазақстанда тағы бір сәби қызылша ауруынан шетінеп кетті. Бұл осымен елімізде тіркеліп отырған екінші дерек. Мұны денсаулық сақтау вице-министрі Айжан Есмағамбетова айтты. Өлім дерегі Астана мен Шығыс Қазақстан облысында тіркелген. Шенеунік 15 баланың жағдайы ауыр екені де жеткізді. Олардың әрқайсысының жағдайы бақылауда деді. Қазір елімізде қызылша ауруына қарсы / балаларға 6 жасқа толғанша екі рет екпе салынады. Ал, шетінеп кеткен екі бала да 1 жасқа, яғни екпе алу жасына толмағандар.

Айжан Есмағамбетова, ҚР Денсаулық сақтау министрінің орынбасары –Бас мемлекеттік санитарлық дәрігері:

«Көп ата-ана екпе салғанша, балам қызылшамен ауырып шыққаны дұрыс деп санайды. Негізі қылшаның өзінен емес, оның асқынуынан қорқу керек. Себебі, қызылша жұқтырған балада 5-7 жылдан кейін «панэнцефалит» пайда болуы мүмкін. Жалпақ тілмен айтқанда баланың миЫ жойылып кетеді. Қызылша әсіресе, 5 жасқа дейінгі балалар үшін қауіпті.»

Оңғар Алпысбай