Жаңалықтарды Telegram арнамыздан оқыңыз!
Елімізде жас ғалымдарға арналған тұрғын үй бағдарламасы басталды. Бүгін «Отбасы банкі» өкілдері оның шарттарын түсіндірді. Бағдарлама түрлі салада академиялық ғылыммен айналысатын ғалымдарға арналған. Оның талаптары мынадай: жылдық мөлшерлеме 5 пайыз. Алғашқы жарна 10 процент. Несие көлемі 20 миллион теңге. 19 жылға беріледі. Қазірдің өзінде 40-тан астам өтініш түсіп, оның 9-ы мақұлданды. Ал баспананы жас ғалым жұмыс істейтін қаладан алу маңызды емес. Мамандардың айтуынша бұл елімізде ғылымды дамытып, иновацияға жаны құмар ғалымдарды қазақстанда ұстап қалуға тапсырмас құрал.
Жансұлтан Матаев, «Отбасы Банкі» АҚ Орталық филиалының директоры:
Банктің талаптарына сәйкес, өзінің төлем қабілеттігін растағаннан кейін үш айдың ішінде яғни алғашқы нарықтан немесе қайталама нарықтан өздері үй іздеп табады. Басты шарт бұл жерде сол жас ғалымның атында болмаса, отбасы мүшелерінің атында үй болмауы керек. Яғни бұл алғашқы үй сатып алуға берілетін көмек деп білу керек.
Досжан Маратұлы
