Қазақстан білім беру рейтингі бойынша 18-орынға көтерілді

Жаһандық Insider Monkey Official Education Index ресми білім беру индексінде Қазақстанның  көрсеткіші өсіп, 18-орынға көтерілді. Бұл туралы Ғылым және жоғары білім министрі Саясат Нұрбек мәлімдеді. Индекс деректері бойынша Қазақстан әлемдік білім беру кеңістігіне тұрақты дамып келе жатқан және интеграцияланған жүйелері бар елдер тобына кірді. Рейтинг критерийлерінің бірі - елдегі университеттердің QS-ке ұсынылуы. Ведомство басшысының айтуынша, 10-нан астам қазақстандық жоғары оқу орны QS Top 1000 құрамына кіреді. Тағы бір көрсеткіш - білім беруге жұмсалатын мемлекеттік шығындардың жалпы ішкі өнімге пайыздық үлесі. Елімізде ол 3–4 пайыз аралығында.