Бақдәулет Ұлттық арна ұжымымен танысты

«Qazaqstan» телеарнасы тұрғанда телефон да қызық емес». Наурыз мейрамы кезінде Түркістанда осылай деп сұхбат беріп, елдің ыстық ықыласына бөленген кішкентай көрерменіміз Бақдәулет Әмірбек Астанаға арнайы келді. Ол «Қазақстан» телерадикорпорациясының жұмысымен танысты. Ұлттық арна мен «Balapan» телеарнасының ұжымымен сұхбаттасып, ақпараттың студиясында сөз тізгінін ұстап көрді.

Бақдәулетке біздің ұжым көрерменіміз болғаны үшін алғысын білдіріп, сый-сияпат жасады. Бақдәулет оқуда озат, спортшы әрі өнерлі бала ғана емес екен. Оның тағы бір қырын әкесі айтып берді.

Сұлтан Ахметов, Б.Әмірбектің әкесі:

Бақдәулетіміз өзі телефонға да қатты құмартпайды, бірақ сол телефоннан арылту үшін мен 5 жыл бұрын Бақдәулетке құс шаруашылығын тапсырып көрдім. Қазір тауық асырап, өзі солардың жұмыртқасын сатып, бизнеспен айналысып жүр. Өз оқуына қаражатын өзі тауып жүр.