Ақмола облысында жылу жүйесіне мазут тарап кеткен

Ақмола облысының Щучинск қаласында жүздеген тұрғын жылуға жарымай отыр. Пәтерлердегі батареялардан ауа шығарған кезде су емес, мазут аққан. Жергілікті әкімдік өкілдері бұған қазандықтағы диаметрі 32 милиметр болатын бу құбырының жарылуы себеп, - дейді. Салдарынан, бес көпқабатты тұрғын үй мен бір мектептің жылу жүйесіне мазут тарап кеткен. Қазір мамандар оны тазартып, орнына таза су құйып жатыр. Ал қаланы жылумен қамтамасыз етіп отырған жеті қазандық қалыпты жұмыс істеп тұр.

Ұмсындық Наурызбаева