Ақмола облысында көктайғақтан 200-ден астам адам жарақат алды

Ақмола облысында соңғы екі тәулікте 200-ден астам адам мұзға тайып құлап, ауруханаға жеткізілді. Басым бөлігі дене жарақатын алған. Аяқ-қолы сынғандар да бар. Мертіккен 15 адам облыстық ауруханаға жатқызылса, қалғандары ем-дом шараларынан кейін үйлеріне жіберілді. Дәрігерлердің айтуынша, емдеу мекемелеріне жеткізілгендердің дені- егде жастағылар. Жалпы өңірде тек қараша айында көктайғақтан зардап шеккен 1000-ға жуық адам медициналық көмекке жүгінген.

Әбдірашит Ниязов, травматолог-дәрігер:

Науқастардың көбі 50 жастан асқан. Көшеде, магазинге, жұмыс бабымен шыққанда құлап, екі қолы сынып кеткен. Қолы, аяғы сынған. Осындай жағдайлар өте көп болды.

Ұмсындық Наурызбаева