Мемлекеттік қызметтердің 92 пайызы электронды түрде көрсетіледі

Мемлекеттік қызметтердің 92%-ы электронды түрде көрсетіледі. Ал 106 түрін қағаз түрінде көрсету мүмкіндігі қарастырылған. Бұл туралы еліміздің мемлекеттік қызмет істері агенттігі төрағасының орынбасары мәлімдеді. Алайда Салауат Мүксімов электронды үкімет порталында 22 мемлекеттік қызметтің әлі күнге дейін қолжетімсіз екенін айтады. Оған 50 мемлекеттік қызметті көрсету үшін қажетті ақпараттық жүйелер өзара интеграцияланбағаны себеп дейді.

Салауат Мүксімов, Мемлекеттік қызмет істері агенттігі төрағасының орынбасары:

Алпыс мемлекеттік қызметті көрсету барысында ақпараттық жүйелер функционалдарының кемшіліктері анықталды. Өкінішке орай 32 мемлекеттік қызметті көрсету барысында ақпараттық жүйелердің тұрақты түрде техникалық ақаулары орын алуда.

Аида Ахметбек