Қызылордада балалы әйелді қағып кеткен жүргізушіні іздеуде

Қызылорда қаласында балалы әйелді көлікпен қағып, оқиға орнынан қашып кеткен жүргізуші іздестіріліп жатыр. Полиция адам өліміне әкеп соққан жағдайға байланысты қылмыстық іс қозғады.

Құлтекенов көшесінің бойында болған жол-көлік оқиғасы сол жердегі бейнебақылау камерасына түсіп қалған. Қатты соққыдан 6 айлық сәбидің өмірі қиылды. Ал 2000 жылы туған анасы түрлі ауыр жарақатпен жансақтау бөлімінде жатыр.