Қазақстан мен Ұлыбритания арасындағы тауар айналымы – 1,8 млрд доллар

Мемлекет басшысы Ұлыбританияның Бизнес және сауда істері жөніндегі мемлекеттік министрі Нусрат Ганиді қабылдады.

Қасым-Жомарт Тоқаев Ұлыбритания-Қазақстанның негізгі сауда серіктестерінің бірі және ел экономикасына қаржы құюшы мемлекеттер арасында жетінші ірі инвестор екенін атап өтті. Бүгінде, Қазақстанда 550-ден астам британдық кәсіпорын жұмыс істеп тұр. Екі ел арасындағы тауар айналымы былтыр 60 пайызға артып, 1,8 млрд долларды құраған.

Президент ресми Лондонмен сауда және инвестиция салаларындағы байланыстарымызды кеңейтуге мүдделі екенімізді атап өтті. Ал Нусрат Гани ерекше ілтипат білдірген Президент Қасым-Жомарт Тоқаевқа және Қазақстан халқына ризашылығын жеткізді.