Елімізде әлеуметтік екі жәрдемақының мөлшері артады

Елімізде келесі жылдан бастап әлеуметтік екі жәрдемақының мөлшері артады. Ол еңбекке қабілетсіз болып қалғандар мен асыраушысынан айырылғандарға төленетін төлем. Тиісті қаулыға бүгін Премьер-министр Әлихан Смайылов қол қойды. Құжатқа сәйкес қаңтардан бастап жәрдемақы мөлшері 7 пайызға көбейеді.

Елде еңбекке жарамсыз болып қалған 87 мың адам мен асыраушысынан айырылған 60 мыңдай отбасы бар. Оларға жәрдемақыны арттыру үшін бюджеттен қосымша 5 млрд теңге бөлінбек.

Досжан Маратұлы