Жаңалықтарды Telegram арнамыздан оқыңыз!Түркістан облысында аудан әкімі лауазымына үміткер ретінде 30 кандидат құжат тапсырды. Ұсынылған кандидаттардың 9-ы саяси партиялар тарапынан, 21-і өзін-өзі ұсынғандар. Әкім болғысы келетіндердің ең көбі, яғни 9 үміткер Бәйдібек ауданында тіркеліп отыр. Қалған 8 кандидат Созақ ауданында, 7 үміткер Мақтаарал ауданында, 6 кандидат Шардара ауданынан ұсыныс берген. Кандидаттардың барлығы ер азаматтар. Үміткерлердің егдесі 61-де. Соңғы мәлімет бойынша 10 кандидат ресми тіркелген, ал 3 кандидат талапқа сәйкес келмеген. Айта кетейік, облыстағы 4 ауданның әкімі қайта сайланады.
Жеңіс Мақұлбаев, облыстық Аумақтық сайлау комиссиясының төрағасы:
Қандай тәртіппен ұсынылып жатыр дейтін болсаңыз, көбінесе өзін-өзі ұсыну тәсілімен орын алып жатыр. Сондай-ақ саяси партиялардың атынан, басқа да партиялардың ұсынған кандидаттары бар.
Айнұр Әбілқасымқызы
