Басты Жаңалықтар Карина Ибрагимова қоржынға күміс салды

Карина Ибрагимова қоржынға күміс салды

05.10.2023 20:00

Ал ақмолалық боксшы Карина Ибрагимова 57 келі салмақ дәрежесінде тайпейлік қарсыласынан есе жіберіп, Азия ойындарының күміс жүлдегері атанды. Ұлттық арна тілшісі Көкшетау қаласының іргесіндегі Красный Яр елді-мекенінде тұратын спортшының үйіне арнайы барып, ақтық кездесуді бірге тамашалады.

Карина қатысқан төрт жекпе-жектің бірін жібермей көріп, тақымын қысқан ата-анасы қызының жеңісіне сенімді болғанын айтады. Өйткені, Карина бала кезінен алған бетінен қайтпайтын,-дейді олар. Дүбірлі додада ел үмітін ақтаған ақмолалық спортшы бокспен 15 жасынан бері айналысып келеді.

Хабир Ибрагимов, Азия ойындарының күміс жүлдегері К.Ибрагимованың әкесі:

Өте еңбекқор. Карина алған бетінен ешқашан қайтпайды. Бірде-бір жаттығудан қалған емес. Спорт болған соң жеңіс те, жеңіліс те болады. Ең бастысы өзіне деген сенімді жоғалтпау керек. Қызымның бұдан да үлкен белестерден көрінетініне сенімдімін.

Бөлісу