Энергетика саласындағы түйіткілдерді шешу үшін білікті мамандар мен қаржы керек

Энергетика саласындағы түйіткілдерді шешу үшін білікті мамандар мен қаржы керек. Сонымен бірге Мемлекет басшысының Қазақстан халқына Жолдауында көтерген жаңа тариф саясатын енгізу шарт. Қазақстанның электр энергетикалық қауымдастығының Төрағасы Талғат Темірханов осындай пікірде. Айтуынша, қазір елде тарифті ұстап тұру саясаты жүргізіліп жатыр, яғни тұтунышылар үшін арнайы субсидия бар. Бұл проблеманың шешілуіне кері әсерін тигізеді, дейді. Бұған дейін Президент елдегі электр желілерінің үштен екісі, жылу желілерінің 57%-ы және сумен жабдықтау желілерінің жартысына жуығы тозғанын айтқан еді. Үкіметке де, тиісті тапсырма берілді.

Талғат Темірханов, Қазақстанның электр энергетикалық қауымдастығының төрағасы:

Тозу деңгейін 15 пайызға төмендету үшін станциялар мен желілерге біздің санауымыз бойынша жыл сайын 110 миллиард теңгеден кем емес қаражат құю керек. Біз үшін ең бастысы қолма-қол ақшаның көздерін бекіту. Жалпы инфорқұрылымдық жобаларға бағдарлама керек, жеңілдетілген несие көздерін бекіту керек, ол маңызды.