Елімізде алимент төлемегендердің қарызы 7 млрд теңгеге жетті

Елімізде алимент төлеуден жалтарып жүрген азаматтардың қарызы 7 млрд теңгеге жеткен. Әділет министрлігінің дерегі осы.

Министр Азамат Есқараевтың айтуынша, «бүгінде бұл мәселеге қатысты 303 мың шағым бойынша жұмыстар жүргізіліп жатыр. Оның 13 мыңнан астамының деңгейі күрделі». Қазір 6072 адам алимент төлемей жүр. Тағы 7219 борышкерге қарызын өтемегені үшін шетелге шығуға тайым салынған. Алдағы уақытта борышкерлердің айлық жалақысын Әділет органдары онлайн тексермек.

Енді алимент төлеуден жалтарып жүрген азамат пен оған жұмыс беруші жалған ақпарат берсе, шара қолданылады. Пилоттық жоба Smart Data Ukimet жүйесі арқылы жүзеге асырылмақ.