Елордада тілдер күніне орай өткен байқау қорытындыланды

Елордада әскери қызметшілер арасында тілдер күніне орай өткен байқаудың қорытындысы шықты. Шығармашылық сайысқа Қарулы күштердің құрылымдық бөлімшелерінен бес адамнан тұратын 6 команда қатысты. Олардың ішінде құрлық әскері мен әуе қорғанысы күштері, Әскери полиция, Десанттық-шабуылдау әскерлері бар. Байқауда «Тәртіп сақшылары» командасы жеңімпаз атанды. Екінші орынды «Алаш» командасы иеленсе, үшінші орын «Жерұйық» командасының еншісінде.

Байқау жеңімпаздары мен қатысушыларын министрлік басшылары арнайы құттықтады. Мемлекеттік тілді меңгеру әрбір азаматтың міндеті. Мұндай шара «тіл саясатын іске асырудың 2020-2025 жыл¬дарға арналған мемлекеттік бағдарламасын» орындауға бағытталғанын айта кетейік.   

Аида Ахметбек