Мәжіліс депутаты: Мектебі және балабақшасы жоқ аудандарда көпқабатты үйлердің салынуына тыйым салу қажет

Мектебі және балабақшасы жоқ аудандарда көпқабатты үйлердің салынуына тыйым салу қажет. Мәжіліс депутаты Асхат Аймағамбетовтің ұсынысы осындай. Әрі құрылыс компанияларына тұрғын үйдің маңында әлеуметтік инфрақұрылымның болуын міндеттеу қажет дейді. Тиісті заң жобасын бір топ депутат дайындап қойған.

Асхат Аймағамбетов, ҚР Парламенті Мәжілісінің депутаты, «Amanat» фракциясының мүшесі:

Үш ауысымды мектептердің саны айтарлықтай азая қойған жоқ, Өйткені оның ішінде дайын әлеуметтік инфрақұрылымы жоқ мегаполистерімізде құрылыс жүріп жатқаны тағы бар. Құрылыс қарқынды жүріп жатқан жерлерде балалар үш ауысымда оқиды. Бірақ мұндай көпқабатты тұрғын үйлерді салуға рұқсат бергенде әкімдіктің осындай айқын жағдайларды ескермегеніне балалар кінәлі емес.

Айя Мүтәлі