Жаңалықтарды Telegram арнамыздан оқыңыз!Ал Алматыда айналма темір жол желісі салынады. Транзиттік дәліз 2025 жылға дейін пайдалануға беріледі деп жоспарланған. Бұл туралы Көлік министрі Марат Қарабаев айтты. Ұзындығы 100 шақырымдық шойын жолдың техникалық-экономикалық құжаттарын жасау басталған. Жобаны жүзеге асыруға инвестор тартылады. Транзиттік жүктердің тұрып қалуы, пойыздардың кестеден кешігуі өзекті мәселе. Сондықтан айналма жол қажет екенін Президент өз Жолдауында айтты. Әсіресе, көлік дәлізі әлеуетін бес есеге дейін арттыру тапсырылған. Министр «Алтынкөл», «Қорғас» стансаларының жұмысымен де танысты. Бірнеше облысты жеңіл көлікпен жүріп өтіп, жол сапасы мен құрылыс жұмыстарын бақыламақ.
Марат Қарабаев, ҚР Көлік министрі:
Сарыөзек-Көктал жолы. Ол жаққа тиісті қаражаттың барлығы бөлінген. Күрделі жөндеуден өтіп жатыр. 23 шақырым. Сол жолды қаарйтын боламыз. Мердігер компания және субмердігердің баршасымен жолығамыз. Одан соң Талдықорған-Өскемен жолы. Үшарал-Достық жолы. Үшарал-Достықты биыл толығымен іске қосамыз ба деп отырмыз.
Қуан Нұрақын
