ТikTok желісінде ойын бизнесін ұйымдастырған төрт адам сотталды

ТikTok желісінде құмар ойындар ұйымдастырып, трансляция жасаған төрт адам сотталды. Бұл туралы Қаржы мониторингі агенттігі мәлімдеді. 2019 жылдан бері заңсыз ойын бизнесін ұйымдастыру фактісі бойынша өндірісте 849 адамға қатысты 1 мың 148 іс қаралған. Аталған агенттік Ақпарат комитетімен бірлесіп, заңсыз мазмұн трансляциясын жылдам блоктауға мүмкіндік беретін жасанды интеллект орнатты. Құмар ойындарын тарататын аккаунттар автоматты түрде бұғатталады. Айта кетейік, 2019 жылдан «Кибербақылау жүйесі» іске қосылды. Ол бірнеше мемлекеттік органға онлайн казиноларды шұғыл анықтап, оларға кіруге тыйым сала алады.

Дарын Сағитов