Университет оқытушыларына жалақы төлеудің жаңа жүйесін енгізу қажет – Тамар Дүйсенова

Университет оқытушыларына жалақы төлеудің жаңа жүйесін енгізу қажет. Бұл туралы Жоғары білім және ғылым форумында Үкімет басшысының орынбасары – Еңбек министрі Тамара Дүйсенова айтты. Оның өзгеруі маманның құзыретіне, жұмыс нәтижелеріне байланысты болады. Жиында түлектерді жұмыспен қамту тетіктері де сөз болды. Өткен жылы 30 мыңдай түлекке еңбек нарығында сұраныс болмаған. Яғни, әрбір бесінші азамат мамандығы бойынша жұмысқа тұрмады. Айта кетейік, қазір елімізде 626 мыңдай студент бар. Аудитория мен жатақхана тапшылығын шешу үшін кешенді іс-шаралар қолға алынады.

Талғат Ешенқұлов, ҚР Ғылым және жоғары білім вице-министрі:

Ғылым мен жоғары білімді дамытудың тұжырымдамасы бекітілген. Жеті жылға жоспарланған. Сол тұжырымдамада бекітілген мақсаттар бар. Олар өте ауқымды. Соларды сапалы түрде қалай орындаймыз. Соның жолдарын, өзіміздің жинаған тәжірибемізді әрі қарай жетілдіру мақсатында ұйымдастырылып отырған форум.

Дарын Сағитов