Петропавл ЖЭО-да салынып жатқан мұржа қисайып кетті

Петропавл жылу электр орталығында салынып жатқан мұржа қисайып кетті. Құрылыс шұғыл тоқтатылды. Кәсіпорын өкілдері ақау анықталғанын растады. Естеріңізге сала кетсек, былтыр наурыз айында алып мұржалардың бірі опырылып түскен болатын. Үйіндің астында қалған жұмысшы қайтыс болды. Жылу орталығы қыста екі мұржамен ғана істеді. Ал сәуір айында жаңасының құрылысы басталған болатын. 180 метрлік түтін мұржасының 30 метрі салынған. Келер жылы іске қосылуы тиіс.

Эльмира Кәленова