Елордада туберкулез, қызылша мен гепатит жұқтыру көрсеткіші артты

Елордада туберкулез, қызылша мен гепатит жұқтыру көрсеткіші артып отыр. Бұл туралы Астананың бас мемлекеттік санитариялық дәрігері мәлімдеді. Оның сөзінше гепатиттің тек А түріне шалдыққан ересектер қатары 88%-ке өскен. Ал, қызылша дертін жыл басынан бері 117 адам жұқтырған. Оның 97-сі бала. Ресми дерек бойынша вирус жұқтырған 90 баланың ата-анасы екпе алудан бас тартқан. Бұдан бөлек шетелден келген азаматтардан да инфекция табылып отыр. Арасында Мысыр, Өзбекстан мен Әзербайжаннан оралғандар бар. Ал Тайландтан келген Ресей азаматынан денге безгегі табылған. Сондай-ақ бас санитар 2 жасөспірімнің ағзаның иммун тапшылығы вирусын жұқтырғанын мәлімдеді. Бүгінде елімізде осы қауіпті індетпен 3 мыңға жуық адам күресіп келеді.

Аида Ахметбек