Батыс Қазақстанда банк филиалынан 120 млн теңге ұрланды

Батыс Қазақстан облысының Ақсай қаласында банк филиалынан жалпы сомасы 120 млн теңге ұрланып кеткен. Бұл туралы полиция басқармасына банктің аға менеджері хабарлаған. Ревизия барысында 67 млн теңге, 34 500 евро және 80 000 АҚШ долларының қолды болғаны анықталды. Қылмыстық іс қозғалып, бір күдікті қамауға алынды.

Лунара Аманғалиева облыстық полиция департаментінің баспасөз қызметкері:

Қазіргі уақытта ақшаны жымқыру дерегімен екі адам күдікке ілінді. Оның біреуі ҚР Қылмыстық процессуалды кодексінің 128-бабы бойынша ұсталды. Қазіргі таңда ҚР Қылмыстық кодексінің 190-бабының 4-бөлігі 2-тармақшасына сәйкес алаяқтық дерегімен сотқа дейінгі тергеу амалдары басталды.

Ардақ Мұратқызы