Бүгін Kaspi банктің Астанадағы бөлімшесіне қарулы адам шабуыл жасады

Хабарымызды оқыс оқиғадан бастаймыз. Бүгін түсте Kaspi банктің Астанадағы бөлімшесіне қарулы адам шабуыл жасады. Ер адам банк қызметкерлерін кепілге алып, ішінен есікті құлыптап тастаған. Банк күзетшісі дабыл түймесін басып, полиция қысқа мерзімде оқиға орнына жетті. Кепілге алынғандарды босату операциясы 2 сағатқа созылып, сәтті аяқталды. Шабуыл жасаушы ұсталды. Құқық қорғау органдарының мәліметінше, ер адам наркологиялық диспансерде есепте тұрады.

Оқиға кезінде банктің 7 қызметкеріне қауіп төнген. Ешкім зардап шеккен жоқ. Банк ұжымы қызметкерлердің және олардың отбасыларының атынан құқық қорғау органдарына жеделдігі мен кәсібилігі үшін алғыс айтты.