Жаңалықтарды Telegram арнамыздан оқыңыз!Ақмола облысында шомылу маусымы басталғалы бері 5 адам суға кетіп, қаза болған. Оның үшеуі – бала. Мамандардың айтуынша, аптап ыстықта өзен-көлдерден сая іздеген тұрғындардың қауіпсіздік шараларын сақтамауынан өлім-жітім азаймай отыр. Осыған байланысты бүгінде Төтенше жағдайлар департаментінің жеке құрамы су айдындарында кезекшілік құрып, жағажайларды бақылауға көшті.
Жаз басталғалы бері шомылу кезінде қауіпсіздік шараларын сақтамаған 3 адамға айыппұл салынып, өзен-көлдерге мас күйінде түскен 300-ден астам азамат жауапкершілікке тартылды.
