Жаңалықтарды Telegram арнамыздан оқыңыз!Халықаралық Валюта қоры Қазақстанның жалпы ішкі өнімнің өсімі бойынша биылғы болжамын жаңартпақшы. Бұл туралы Ұйымның басқарушы директоры Кристалина Георгиева Ұлттық арнаға берген эксклюзив сұхбатта мәлім етті. Халықаралық валюта қоры бұған дейін өсім 4,3 пайыз шамасында болады деген еді. Кристалина Георгиева енді 5 пайызға дейін жуықтайды деген болжамын жеткізді.
Кристалина Георгиева, Халықаралық валюта қорының басқарушы директоры:
Өйткені біз мемлекеттің әлемде бірінен соң бірі болып жатқан тосын жағдайларға қарсы қандай шаралар қабылдап жатқанын көріп отырмыз. Қазақстан экономикасын диверсификациялау бойынша және тікелей шетелдік инвестицияларды тарту үшін барынша қолайлы жағдай жатқанын да білеміз. Былтыр ақпанда Қазақстандағы инфляция деңгейі 21 процентке дейін көтеріліп кеткені белгілі. Оны түсіру үшін де тиісті шаралар қабылданып, қазір түсе бастаған. Биыл 17 пайыз болып тұр.
Халықаралық валюта қорының басқарушы директоры экономикалық өсімді қамтамасыз ету үшін қажет ұсыныстарын да айтты. Сұхбаттың толық нұсқасы жексенбі 20:00-де «Апта» бағдарламасынан көрсетіледі.
Әлбина Әшім
