Президент Адам құқықтары жөніндегі уәкіл Артур Ластаевты қабылдады

Президент Адам құқықтары жөніндегі уәкіл Артур Ластаевты қабылдады. Қасым-Жомарт Тоқаевқа соңғы 5 айда атқарылған жұмыстар мен азаматтардың құқықтарын қайта қалпына келтіруге жәрдемдесу үшін қабылданып жатқан шаралар туралы мәлімет берілді. Омбудсмен кеңсесі мен оның өңірлердегі өкілдіктері осы уақыт аралығында азаматтардың 2300-ден астам өтінішін қараған. Кездесуде Президент тиісті мемлекеттік органдармен бірлесіп, азаматтардың құқықтарын тиімді қорғауды қамтамасыз ету маңызды екенін айтты.