Қарағанды облысында шомылу маусымына дайындық басталды

Қарағанды облысының сүңгуір-құтқарушылары өзен-көлдердің түбін тазартып, шомылу маусымына дайындықты бастап кетті. Қазір өңірде суға түсуге рұқсат етілген 76 және тыйым салынған 240 жағажай бар. «Күн жылынып, су қызған соң олардың барлығында демалушылар көбейеді», - дейді мамандар. Сүңгуірлер су түбін шыны шөлмектер, темір-бетон сынықтары, ағаш, ау, тас, басқа да қоқыстардан тазалауға кірісті

Владимир Гаврильков, Облыстық сүңгуір-құтқарушылар бөлімінің басшысы:

Сынған шыны шөлмектер көл табанында көп кездеседі. Бұл өте қауіпті. Суға жүзгенде өткір жүзі қол-аяғыңды жарақаттауы мүмкін. Сондықтан біз түгел тазартамыз. Тұрғындардың алаңсыз демалуына жағдай жасаймыз.

Руслан Нұрланұлы