Жаңалықтарды Telegram арнамыздан оқыңыз!Алматыға іргелес жатқан Қарасай, Іле мен Талғар аудандарының халқы үлкен айналма жолдың ашылуын тағатсыздана күтіп отырғаны белгілі. Тас жол 15 маусым күні пайдалануға берілуі тиіс. Бұл үлкен айналма жолдың құрылысы басталғанына да 20 жылдан асыпты. 2002 жылы құрылыс 2008-де аяқталады делінген еді. Бірақ әлемдегі қаржы дағдарысы құрылысты тоқтатуға мәжбүрледі. Жоба кейінге шегеріле беріп, 2018 жылы бір-ақ қайта жанданды. Үлкен әрі қымбат жоба Алматының қозғалысын реттеуі тиіс. Бірақ қолданысқа берілмей жатып тұрғындардың сынына ұшырады.
