Түркістан облысы Пістелі ауылының тұрғындары соғыс ардагерлерінің рухына тағзым етті

Даңқты ерлікке мәңгілік құрмет. Жеңіс күні мерекесіне орай Түркістан облысы Пістелі ауылының тұрғындары екінші дүниежүзілік соғыс ардагерлерінің рухына тағзым етті. Олар майдангерлерге орнатылған ескерткішке гүл шоқтарын қойып, бабалардың қайсарлығы мен батылдығын жастарға үлгі етті. Сұрапыл соғыс жылдары аядай ғана ауылдан 154 азамат майданға аттанып, оның жартысы ғана елге оралған. Ауылдастары Жеңістің 70 жылдығы қарсаңында соғыс ардагерлерін мәңгілік ел жадында қалдыру мақсатында ескерткіш орнатты. Жыл сайын майдангерлер рухына тағзым шарасын өткізіп келеді. 

Ғани Қалмаханов