Петропавл қаласының 3 тұрғыны сепаратизм бабымен тергеліп жатыр

Сепаратизм бабымен тергеліп жатқан Петропавл қаласының 3 тұрғынының мәлімдемесінде «Қазақстанның аумақтық тұтастығын бұзуды насихаттау» белгілері бар екені анықталды. Мұны Бас прокурор Берік Асылов депутаттық сауалға берген жауабында айтты. Ол психологиялық-филологиялық сараптама нәтижесі осыны көрсеткенін жеткізді. Сондай-ақ, Бас прокурор қылмыстық іс бойынша 3 фигурантқа қатысты Солтүстік Қазақстан облысының мамандандырылған тергеу сотының 2023 жылғы 20 сәуірдегі қаулысымен 2 ай мерзімге «күзетпен ұстау түріндегі» бұлтартпау шарасы санкцияланғанын еске салды. Тергеп-тексеру әлі жалғасып жатыр деді. 

Айя Мүтәлі