СҚО-да 18 адам сепаратистік іс бойынша тергеліп жатыр

Солтүстік Қазақстан облысында сепаратизмді насихаттауға қатысты тергеу аясында 18 адамнан жауап алынып жатыр. Бірақ олар күдіктіге жатпайды. Мұны Бас прокурордың орынбасары Жандос Өмірәлиев мәлім етті. Ұлттық қауіпсіздік комитетінің Солтүстік Қазақстан облысы бойынша департаменті: «БАҚ-ты пайдалана отырып адамдар тобы арасында сепаратизмді насихаттау» бойынша қылмыстық іс қозғалғанын жеткізді. Соның шеңберінде тұрғылықты жерлері мен жұмыс орындарында тінту жүргізілген.

Жандос Өмірәлиев,  ҚР Бас прокурорының орынбасары:

Әрине, прокуратура ретінде біз өз ықпалымызды барынша тигіземіз. Тез аяқталуы үшін бізге сараптамалық қорытындысы қажет. Өзіміз бұл мәселенің тез арада шешім қабылдануына және осының БАҚ арқылы қоғамға жеткізуге өзіміз бергіміз келіп отыр.

Айя Мүтәлі