Түркиядағы тұрғындарға «Түрксой» ұйымы көмек көрсетіп жатыр

Зілзаладан қатты зардап шеккен қалалардың бірі - Газиантеп. Қазір осы қалаға халықаралық «Түрксой» ұйымының өкілдері барып, жергілікті тұрғындарға көмек қолын созып жатыр. Аймақта әлі де арагідік 3-4 балдық дүмпулер болып жатыр. Тұрғындар үйлеріне қайтуға үрейленіп отыр. Сол себепті ашық алаңдарға шатырлар тігіліп, жергілікті азаматтардың орналасуына жағдай жасалуда.

Арман Нұрмұхаматұлы, «Түрксой» халықаралық ұйымының қызметкері:

Артымызда тұрған үйлердің тұрғындары далада жүр. Сондықтан осындай суықта жылы шатырлармен оларды қамтамасыз ету үшін Түркі әлемінің атынан барлық өнерпаздарымыз осындай қызметке ат салысып жатыр.