«Музей түні – 2026»: 17 мың адам тамашалады

Астанадағы Ұлттық музейде өткен «Музей түні» шарасын тамашалауға биыл 17 мыңнан аса адам келді. Олар әртүрлі көрме залдарын аралап, мәдни-танымдық бағдарламаларға қатысуға мүмкіндік алды.  Халықаралық музейлер күніне арналған дәстүрлі шара жайлы әріптесім Айжан Иманғали сабақтайды.

Әсіресе сақ заманындағы әйелдердің стиліне өте тәнті болдым. Киімдерінің өзі үйлесімділікпен бұрын киген екен. Әшекейлері, киімдері, мына сәукелесіне дейін, соны білдіріп тұр. Алқасына дейін, қазіргі шығап жатқан «картье» дейді ғой, біздің қазақтар кезінде киіп кеткен екен.

Ұлттық стильде жасалған бұрынғы ата-әжелеріміздің заманындағы кілемдер өрнектелген, шынымды айтсам, өзімнің балалық шағым есіме түсіп кетті.

Бұны көру үшін 7 этаж бар екен. Сол 7 этаждың әр күніне 1 күн арнауға болады екен. Бірақ дегенмен шамамыз келгенше көріп жатырмыз, өте тамаша екен.  Жақсы бір әсер алып бара жатырмын.

Сондай-ақ келушілер үшін ыңғайлы форматта экскурсиялар ұйымдастырылған. Мәселен, өзіміздің салт-дәстүріміз, ұлттық құныдылқтарымыз, мәдениетіміз жайында құнды дүниелермен танысу үшін осындай интерактивті тақталар қойылған, ол үшін өзіңізге ыңғайлы тілді таңдайсыз, мәселен қазақ тілін таңдадық. Бұл жерде қазақ жерін қоныстаған байырғы көшпелілердің сәндік қолданбалы өнері, олардың өмір сүрген ортасы, салт-санасымен , шаруашылық жүргізу тәсілімен танысуға болады.

Мысалы айтсақ, өзіміздің Шығыс Қазақстан облысында Талды деген жер бар, алыстан қарағанда өзгеше болып көрінеді, үстінен қарағанда әдемілігі басқаша көрінеді.