Атырауда боран басылып, жабылған жолдар ашылды

Атырауда ақтүтек бораннан кейін жарықсыз қалған қала мен үш ауданға жарық біртіндеп беріліп жатыр. Тұрғындардың басым көпшілігі электр қуатына қосылды. Апат болған учаскелерде бас-аяғы 20 бригада жұмыс істеді. Коммуналдық қызмет күшейтілген режимге көшті. Қала көшелерін қардан тазалауға 70-ке жуық техника шыққан. Қолайсыз ауа райына байланысты өңірдегі 200-дей мектептің оқушысы онлайнға ауыстырылды. 3 бағыт бойынша жабылған жолдар ашылып жатыр. Синоптиктердің мәліметі бойынша, түскен қардың биіктігі 20 сантиметрге жуық.