Жаңалықтарды Telegram арнамыздан оқыңыз!Алматыда салмағы небәрі 510 грамм болып туған шақалақты дәрігерлер аман алып қалды. Анасы оны жүктіліктің 25 - аптасында дүниеге әкелген. Ақ халаттылар 107 күн бойы нәрестенің өмірі үшін күресті. Нәресте бір ай бойы өкпені жасанды желдету аппаратында жатқан. Бала шала туғандықтан, ретинопатия дерті анықталған. Офтальмологтар дереу операция жасап, ол сәтті өтті. Дәрігерлердің айтуынша, бүгінгі таңда сәбидің жағдайы қанағаттанарлық, өздігінен емеді, салмағы 2700 граммға жеткен.
Ақмарал Бекдайырова, Перинатология және балалар кардиохирургия орталығының бөлім меңгерушісі:
Өміріне ешқандай қауіп жоқ. Өзі демалады, өзі емеді, жетілуі қалыпты. Егер әйелдің денсаулығында ауытқулар болса, инфекциялар болса, ол да баланың дамуына әсер етеді. Былтырғы есептеуіміз бойынша экстремалды төмен салмақпен 63 бала шығарылды. Жалпы түскен бала саны – 93.
Фариза Мұсақызы
