Елде төрт күн ішінде екі мыңға жуық көлік заңдастырылды - «Qazaqstan» Ұлттық телеарнасы

Елде төрт күн ішінде екі мыңға жуық көлік заңдастырылды

27.01.2023

Төрт күн ішінде екі мыңға жуық адам көлігіне қазақстандық нөмір алды.

Нақты айтсақ, шеттен әкелінген 1 990 көлік заңдастырылып, иелеріне жаңа техникалық құжат берілді. Бұдан бұрын хабарлағанымыздай шетелдік автокөліктерді заңдастыру 23 қаңтарда басталған еді. Содан бері 1917 адамның өтініші алдын ала мақұлданды. Көлікті тіркеу бойынша өтінішті е-gov.kz электрондық үкімет порталы, екінші деңгейлі банктердің қосымшалары мен Халыққа қызмет көрсету орталықтары арқылы беруге болады.

Ереже бойынша көлік Қазақстанға 2022 жылдың 1 қыркүйегіне дейін әкелінген болуы керек. Заңдастыру науқаны биыл 1 шілдеге дейін жалғасады.


Хабарламаларға жазылу